సూపర్ స్టార్ రజనీకాంత్, దర్శకుడు శంకర్ కాంబినేషన్లో తెరకెక్కిన ‘రోబో’ చిత్రం 2010 లో విడుదలై సంచలన ఎంతటి ఘన విజయం సాధించిందో అందరికీ తెలుసు. ఇప్పుడు ఈ సినిమాకి సీక్వెల్ గా ‘రోబో2.0’ ని రూపొదిస్తున్నాడు శంకర్. భారతదేశ చలన చిత్ర భారీ బడ్జెట్ చిత్రంగా చెప్పుకుంటున్న ఈ ప్రాజెక్ట్ షూటింగ్ దశలో ఉంది. అయితే ఈ సినిమాకి సంబందించిన ఓ వార్త ప్రస్తుతం సినీ వర్గాల్లో, సోషల్ మీడియాలో హాట్ టాపిక్ మారింది.

అదేమిటంటే ఈ సినిమాలో రజనీ త్రిపాత్రాభినయం చేయనున్నాడట. అందులో ఒకటి సైన్టిస్ట్ వశీకరన్ పాత్ర కాగా మిగిలిన రెండు రోబో పాత్రలట. ఈ రోబోల్లో కూడా ఒకటి మంచి రోబో, మరొకటి చెడ్డ రోబో అని అంటున్నారు. ఈ వార్త తెలియగానే తలైవా అభిమానులు రజనీని మూడు పాత్రల్లో చూడబోతున్నామా.. అని తెగ సంబరపడిపోతున్నారు. ఇక దర్శకుడు శంకర్ ఇంతవరకూ ఏ ఇండియన్ సినిమాలో లేని విధంగా ఈ సినిమాలో విజువల్ ఎఫెక్ట్స్ ఉండేలా చూస్తున్నారు. లైకా ప్రొడక్షన్స్ నిర్మిస్తున్న ఈ భారీ బడ్జెట్ చిత్రంలో అమీ జాక్సన్ హీరోయిన్ గా నటిస్తుండగా స్టార్ హీరో అక్షయ్ కుమార్ విలన్ పాత్ర పోషిస్తున్నాడు.